मंसिर १, सोलुखुम्बु । उदयपुरको ताप्ली गाउँपालिका–२ बाच्छाङमा अन्तरवडास्तरीय पुरुष तथा महिला भलिबल प्रतियोगिता सुरु भएको छ। होपचुली समावेशी युवा क्लब बाच्छाङको आयोजनामा सञ्चालन भएको प्रतियोगिताको उद्घाटन ताप्ली गाउँपालिकाका अध्यक्ष ढुङ्गराज विश्वकर्माले गर्नुभएको हो। ग्रामीण क्षेत्रमा युवायुवतीको खेलप्रतिको रुचि बढ्दै गएको र भलिबल खेल आकर्षणको केन्द्र बन्दै गएको आयोजकले जनाएको छ।
पहाडी क्षेत्रमा फुटबल खेलका लागि आवश्यक भौतिक पूर्वाधार तथा खेलमैदानको अभाव रहेकाले पनि भलिबलप्रति युवायुवतीको आकर्षण बढ्दै गएको बताइएको छ। ताप्ली गाउँपालिकाको सहयोग तथा ताप्ली युवा खेलकुद विकास समितिको समन्वयमा प्रतियोगिता आयोजना गरिएको क्लबका अध्यक्ष शान्ताकुमार राईले जानकारी दिनुभयो।प्रतियोगितामा पुरुषतर्फ ९ र महिलातर्फ ४ गरी १३ टोलीको सहभागिता रहेको छ।
प्रतियोगितामा दुवै विधातर्फ प्रथम हुने टोलीले नगद ३० हजार रुपैयाँ र द्वितीय हुने टोलीले २० हजार रुपैयाँसहित मेडल तथा प्रमाणपत्र प्राप्त गर्ने आयोजकले जनाएको छ। प्रतियोगिता होपचुली समावेशी युवा क्लब बाच्छाङको खेलमैदानमा सञ्चालन भइरहेको सहकर्मी ठविन्द्र मगरले जानकारी दिनुभयो।












Discussion about this post