कात्तिक ३, सोलुखुम्बु। जिल्ला प्रहरी कार्यालय ओखलढुङ्गाले अवैध भरूवा बन्दुकसहित एक जनालाई पक्राउ गरेको छ। पक्राउ पर्नेमा सिद्धिचरण नगरपालिका–६, जन्तरखानीका ४३ वर्षीय बुद्ध बहादुर मगर रहेको जिल्ला प्रहरी कार्यालय ओखलढुङ्गाले जनाएको छ। गोप्य सूचनाका आधारमा प्रहरी अधिकृतसहितको टोलीले कात्तिक २ गते साँझ मगरको घरमा खानतलासी गर्दा कोठाभित्र लुकाइछिपाई राखेको अवस्थामा दुई नाल भरूवा बन्दुक बरामद गरेको हो।
प्रहरीका अनुसार बन्दुकसँगै बारुदजस्तो देखिने धुलो पदार्थ भरिएको बट्टा दुई थान, फलामका टुक्रा २३ थान र एक रोल केपसमेत बरामद गरिएको छ। पक्राउ परेका मगरविरुद्ध जिल्ला अदालत ओखलढुङ्गाबाट म्याद थप गरी आवश्यक अनुसन्धान भइरहेको प्रहरी निरीक्षक एवं सूचना अधिकारी शेखरकुमार साहले जानकारी दिनुभयो।










Discussion about this post