मंसिर ६, सोलुखुम्बु । रसुवामा आएको बाढी तथा विपद्पछि सम्पर्कविहीन हुनुभएका नेपाली सेनाका लेसनायक पवन खत्री दाहालको कुशको शव बनाएर दाहसंस्कार गरिएको छ । खोटाङको दिक्तेल रुपाकोट मझुवागढी नगरपालिका–३, बाम्राङ स्थायी घर भएका खत्री दाहाल रसुवास्थित मैलुङ आर्मी पोस्टमा कार्यरत हुनुहुन्थ्यो । रसुवामा आएको बाढी तथा विपद्पछि उहाँ सम्पर्कविहीन हुनुभएको थियो ।
उहाँको खोजी कार्य जारी रहे पनि अवस्था पत्ता लाग्न नसकेपछि परिवार तथा आफन्तजनले कुशको शव बनाएर अन्तिम संस्कार गरेका हुन् । मंसिर ६ गते शोक सलामीसहित उहाँको दाहसंस्कार गरिएको जनाइएको छ । सम्पर्कविहीन अवस्थामा रहेका खत्री दाहालको सम्झनामा गरिएको अन्तिम संस्कारमा परिवार, आफन्तजन तथा स्थानीयको सहभागिता रहेको थियो ।
उहाँको अवस्थाबारे थप जानकारी प्राप्त हुन नसक्दा परिवार शोकमा डुबेको छ । रसुवामा आएको बाढी तथा विपद्का कारण उहाँ सम्पर्कविहीन हुनुभएको घटनाले खोटाङको बाम्राङ गाउँसमेत शोकमग्न बनेको छ ।










Discussion about this post