मंसिर ६, सोलुखुम्बु । हिमाली जिल्ला सोलुखुम्बुमा ८५ हजार ५७७ मतदाता रहेको पाइएको छ । जिल्ला निर्वाचन कार्यालय सोलुखुम्बुको तथ्याङ्कअनुसार जिल्लामा महिला मतदाताभन्दा पुरुष मतदाताको सङ्ख्या बढी रहेको छ । गत असोज ३० गतेसम्म प्रकाशित अन्तिम मतदाता नामावलीअनुसार जिल्लामा ४४ हजार ५८७ पुरुष र ४० हजार ९९० महिला मतदाता रहेका छन् ।
निर्वाचन प्रयोजनका लागि २०८३ साल भदौ १५ गतेसम्म १८ वर्ष उमेर पूरा भएका नागरिकलाई मतदाता नामावलीमा समेटिएको जिल्ला निर्वाचन कार्यालयले जनाएको छ । यसैबीच, निर्वाचन आयोगले निर्धारण गरेको कार्यतालिकाअनुसार सोलुखुम्बुमा निर्वाचनसम्बन्धी प्रक्रिया अघि बढाइएको छ ।
जिल्ला निर्वाचन कार्यालयले आयोगको निर्देशनअनुसार निर्वाचन तयारी तथा आवश्यक प्रशासनिक कामलाई निरन्तरता दिएको जनाएको छ । निर्वाचन कार्यतालिकाअनुसार गत असोज ३० गते जिल्लाको अन्तिम मतदाता नामावली प्रकाशन भइसकेको छ । हाल कार्यालयबाट मतदाता नामावली दर्ता तथा विवरण सच्याउनेलगायतका सेवा प्रवाह भइरहेको छ ।










Discussion about this post