सिंहकाली आविका ९६ जनालाई छात्रावृत्ति वितरण

असार ८, सोलुखुम्बु । सोलुखुम्बुको सोलुदुधकुण्ड नगरपालिका वडा नम्बर ११ तिङ्ला स्थित सिंहकाली आधारभूत विद्यालयले दलित विद्यार्थी र छात्रागरी ९६ जनालाई छात्रावृत्ति वितरण गरेको छ । सिंहकाली आधारभूत विद्यालयका विद्यालय व्यवस्थापन समितिका अध्यक्ष मौजन राइले विद्यालयले नेपाल सरकारले प्रदान गर्ने ‘छात्रा शिक्षा कोष ’ अन्तर्गतको छात्रावृत्ति ४ सय रुपैयाँका दरले वितरण गरेका हुन् ।

१ कक्षादेखि ५ कक्षासम्मका अध्ययनरत विद्यार्थीहरुलाई दिईने छात्रावृत्ति शुक्रबार पहिलो चरणमा ९६ जना दलित र छात्राहरुलाई वितरण गरिएको विद्यालयका प्रध्यानध्यापक हर्क बहादुर राईले रेडियो एभरेष्टलाई जानकारी दिनुभयो । यसतै विद्यालयले साउन देखि फागुन सम्माको ८६ जना विद्यार्थीलाई दिवा खाजाका लागि छुटाएको रकम वितरण गरेको जनाईएको छ । हाल विद्यालयमा १ सय ४६ जना विद्यार्थीहरु अध्ययनरत छन् । साथै विद्यालयले सोही दिन अभिभावक भेला र छात्रावृत्ति तथा दिवा खाजा बापतको रकम वितरण समेत गरिएको छ । शिक्षामा गुणस्तर ल्यानका लागि अभिभावक र विद्यार्थीहरुलाई प्रशिक्षण दिइएको विद्यायले जनाएको छ ।