सोलुदुधकुण्ड नगरपालिकाका उत्कृष्ट विद्यालय र विद्यार्थीलाई पुरस्कृत

असार ३०, सोलुखुम्बु । सोलुखुम्बु जिल्लाको सोलुदुधकुण्ड नगरपालिकाले २०८० सालको एसईई परीक्षामा उत्कृष्ट नतिजा ल्याउने विद्यालय र विद्यार्थीहरूलाई पुरस्कृत गरिएको छ । नगरपालिकाले नगरपालिका भित्र सामुदायीक विद्यालयवाट एसईई परीक्षामा उत्कृष्ठ नतिजा ल्याउने एक विद्यालय र तिन जना विद्याथीलाई आईतबार एक कार्यक्रमका बिच पुरस्कृत गरिएको हो ।

विद्यार्थीहरुको उज्जव भविष्यको कामना गर्दै सोलुदुधकुण्ड नगरपालिकाका मेयर नाम्गेल जाङ्बु शेर्पा र उपमेयर गान्धिमा तामाङले जिल्लामा यस वर्षको एसईईमा तेस्रो बन्न सफल विद्यालय गार्मा माध्यमिक विद्यालयलाई नगद ३ लाख रुपँैया र प्रमाण पत्रले सम्मान गरिएको छ ।

यस्तै नगरपालिका भित्र एसर्ईईमा उत्कृष्ट ३.७२ जिपिए ल्याउन सफल गार्मा माद्ययमिक विद्यालयका छात्र सिन्जु शेर्पालाई नगद ५० हजारको साथमा प्रमाण पत्र प्रदान गरिएको छ । यस्तै ३.६६ जिपिए ल्याउन सफल चागेस्थान माद्यमिक विद्यालयका छात्रा स्विकृति कार्कीलाई नगद ४० हजार र ३.६१ जिपिए ल्याउन सफल टाक्सिन्दु माद्यमिक विद्यालयका कुन्साङ नुर्वु तामाङलाई नगद ३० हजारको साथमा प्रमाण पत्र प्रदान गरिएको छ ।

सामुदायिक विद्यालयमा पढ्ने विद्यार्थीको क्षमता वृद्धि गर्ने उद्देश्यले विद्यार्थीलाई सम्मान तथा पुरस्कृत गरेको नगर प्रमुख शेर्पाले बताउनुभयो । उहाँले सम्मान कार्यक्रममा यसवर्ष एसईई परिक्षामा उत्तिर्ण सम्पूर्ण विद्यार्थीलाई वधाई तथा शुभकामना व्यक्त गर्नुभएको छ ।