सेवाग्राहिको सुझाव अनुसार राजधानीबाटै वडा शिविर सञ्चालन गर्ने वडा अध्यक्ष राईको भनाई

साउन ११, सोलुखुम्बु । सोलुखुम्बुको माप्य दुधकोशी गाउँपालिका वडा नम्बर ७ वाकुका वडा अध्यक्ष सगुजित राईले सेवाग्राहिको समस्यालाई मनन् गर्दै काठमाडौंबाटै वडा शिविर सञ्चालन गर्ने बताउनु भएको छ । गत वर्षबाट राजधानीबाटै सेवा दिदैं आएको वडाले यस वर्ष पनि निरन्तरता दिने भएको हो ।

वडा कार्यालयले यही साउन १६ र १७ गते सेफ च्वोइस टुसाल काठमाडौंबाट सेवा प्रदान गरिने वडा सचिव दिनेश बुढाथोकीले जानकारी दिनुभयो । वडा कार्यालयले यस वर्ष करिब १ सय जना नागरिकहरुलाई सेवा दिने लक्ष्य राखेको छ ।

वडाबाट प्रवाह हुने विभिन्न सेवाहरु सामाजिक सुरक्षा भत्ता दर्ता र नविकरण, मालपोत÷भूमिकर संकलन लगायत वडा कार्यालयबाट प्रदान गरिने सम्पूर्ण सेवाहरु प्रदान गरिने भएको छ । जिल्ला बाहिर विभिन्न पेशा व्यवसाय तथा अध्यायन प्रयोजनका लागि बस्दै आएका बृद्वबृदाहरुलाई बिषेश प्राथमिकतामा राखिएको वडा अध्यक्ष राईले बताउनुभयो ।