सोलुखुम्बु : स्वास्थ्य संस्थामा गएर प्रशूती गराउने आमा कम

साउन ११, सोलुखुम्बु  । हिमाली जिल्ला सोलुखुम्बुमा अस्पतालमा गएर बच्चा जन्माउने आमा हरुको सङ्ख्या घटेको छ । आर्थिक वर्ष २०७९/८० को तुलामा आर्थिक वर्ष २०८०/८१ मा अस्पतालमा गएर बच्चा जन्माउने आमाहरुको सङ्ख्या घटेको हो ।

स्वास्थ्य कार्यालय सोलुखुम्बुका अनुसार  आर्थिक वर्ष २०७९/८० मा कुल ८ सय ५ आमाहरुले स्वास्थ्य संस्थहरुमा गएर बच्चालाई जन्मदिँदा गत आर्थिक वर्ष २०८०/८१ मा ६ सय १९ जना आमाहरुलेमात्रै अस्पतालमा गएर बच्चालाई जन्म दिएका हुन । घरमै बच्चा जन्माउनुको तुलनामा स्वास्थ्य संस्थमा गएर बच्चा जन्माउदा बढी सुरक्षित र विश्वसनिय हुने भएपनि गत आर्थि वर्षमा जिल्लामा स्वास्थ्य संस्था जाने आमाहरुको सङ्ख्या घटेको हो ।

कार्यालयका सुचना अधिकारी राम नारायण शाहका अनुसार आर्थि वर्ष २०७९/८० मा स्वास्थ्य संस्थामा गएर ७ सय ४४ आमाहरुले सामान्य प्रसूती गराएका थिए भने ५० जनाले शल्यकृया मार्फत प्रशूती गराएका थिए  । यस्तै ११ जना आमाहरुले भ्याकुम फोरसेप मार्फत प्रशूती गराएका थिए ।

यता गत आर्थिक वर्ष २०८०÷ ८१ मा ५ सय ८७ आमहरुले सामान्य प्रशुती गराउका थिए भने २९ जनाले शल्यक्रया मार्फत प्रशूती गराएको र ३ जनाले भ्याकुम प्रविधी मार्पmत प्रशूती गराएको कार्यालयका सूचना अधिकारी साहको भनाई छ ।  जिल्लामा रहेका स्वास्थ्य केन्द्र तथा बर्थिङ सेन्टर लगायत अस्पतालहरुमा प्रशूती गराउने जनसक्ती छन् ।