लट्टेबारी टोल विकास समितिले गर्यो श्रमदान मार्फत गोरेटो बाटो सरसफाई

साउन १७, सोलुखुम्बु । ओखलढुंगाको खिजिदेम्बा गाउँपालिका वडा नम्बर ६ मा रहेको लट्टेबारी टोल बिकास समितिले श्रमदान मार्फत गोरेटो बाटो सरसफाई गरेको छ ।

बिहिवार समितिले समितिले लट्टेबमरी देखी धार्मिक स्थल साम्बा छोलिङ गुम्बा दुब्ले हुँदै वडा न (६ को वडा कार्यलय जाने र छिमेकी गाउँ पालिका मोलुङ (६ र खिजिदेम्बा(६ को सिमाना बिजुलीको पावर हाउस र स्थानीयहरुको घट्टा देखि गाउँ जाने मुख्य गोरेटो श्रमदान मार्फत गोरेटो बाटो सरसफाई गरेको हो ।

 बर्खायाममा पैदल यात्रुहरुलाइ आवतजावत गर्न जंगली जनावरको उच्च जोखिम हुने भन्दै जन श्रमदान मार्फत सरसफाई गरिएको लट्टेबारी टोल बिकास समितिका अध्यक्ष गोबिन्द कुमार खत्रीले जानकरी दिनुभयो । लट्टेबारी टोल बिकास समितिले नयाँ साल लागे पछि विभिन्न स्थानमा अत्यन्तै जिर्ण अवस्थामा रहेका बाटो मर्मत तथा सरसफाई गर्नुका साथै वडा भित्रका खोला नालामा पुलको आवश्यकता देखिएकोले ४ वटा काठे पुल समेत लगाएको अध्यक्ष खत्रीको भनाई छ ।