साउन २१, सोलुखुम्बु । कोशी प्रदेशका ४ जिल्लामा २ दिन ठुलो पानी पर्ने सम्भावना देखिएको छ । जल तथा मौसम विज्ञान विभागले प्रदेशका ४ वटा जिल्ला सहित देशैभरका ३४ जिल्लामा रेड अलर्ट जारी गरकाे हो ।
विभागका अनुसार प्रदेशका ताप्लेजुङ पाँचथर, सङ्खुवासभा र तेह्रथुममा अत्याधिक पानी पर्ने छ । यि जिल्लाहरूमा उच्च सतर्कता अपनाउनुपर्ने भन्दै विभागले रेड अलर्ट जारी गरेको हो । प्रदेशका १४ जिल्ला मध्ये अन्य १० जिल्ला मध्यम जोखिममा रहेको विभागले चेतावनी जारी गरेको छ ।
कम जोखिममा पर्ने अन्य जिल्ला सोलुखुम्बु, खोटाङ, ओखलढुङ्गा, मोरङ झापा सुनसरी धनकुटा, भोजपुर, उदयपुर र इलाम छन् । मनसुनको न्यून चापीय रेखा भोलिदेखि नेपालतर्फ सर्ने र यसले धेरै ठाउँमा निकै ठूलो पानी पार्ने विभागले जनाएको छ ।
विभागले भोलि र पर्सिका लागि प्रदेशका ४ वटा जिल्ला सहित देशभरका ३४ वटा जिल्लामा रेड अलर्ट जारी गरेको छ । यसरी रेड अलर्ट भएका जिल्लाहरूमा विपद सम्बन्धी आवश्यक पूर्वतयारी गर्न पनि विभागले अनुरोध गरेको छ ।
Discussion about this post