साउन २३, सोलुखुम्बु । माध्यमिक शिक्षा परीक्षा एसइइको पुरक परिक्षा सोलुखुम्बुमा पनि सुरु भएको छ । जिल्ला सदरमुकाममा रहेको जनजागृति माध्यमिक विद्यालय परीक्षा केन्द्रमा पूरक परीक्षा आज बाट सुरु भएको हो । यो वर्ष जिल्लाबाट एसइइ दिएका मध्ये १ सय ९७ जना परीक्षार्थीले पूरक परीक्षा दिइरहेका छन । गत चैत्र १७ गते देखी २७ गते सम्म सञ्चालन भएको एसइइ परीक्षामा विषय लागेका विद्यार्थीका लागी अहिले ग्रेडवृद्धि अर्थात पूरक परीक्षा चलिरहेको छ ।
आज बाट सुरु भएको परीक्षाको अनुगमन जिल्लाका उच्च पदस्थ सरकारी अधिकारी तथा पत्रकार सहितको टोली समेतले गरेको छ । परीक्षा केन्द्र सोलुखुम्बुका पुगेर प्रमुख जिल्ला अधिकारी देवी पाण्डे खत्री, नेपाल प्रहरीका डीएसपी द्वारीका प्रसाद घिमिरे, सशस्त्र प्रहरी वल सल्लेरी गुल्मका डीएसपी गोविन्द पोखरेल, शिक्षा विकास तथा समन्वय इकाई सोलुखुम्बुका प्रमुख पुण्यराज डङ्गोल, रेडियो एभरेष्टका प्रबन्ध निर्देशक भानुभक्त निरौला सहितको टोलीले परीक्षा केन्द्र पुगेर परीक्षा मर्यादित र अनुशासित भएन भएको अनुगमन गरेको छ ।
माध्यमिक शिक्षा परीक्षामा सैद्धान्तिक तर्फ न्युनतम डि र डि भन्दा मुनि ग्रेड प्राप्त गरेका विद्यार्थीले पूरक परीक्षामा दिनुपर्ने व्यवस्था बमेजिम आज बाट पूरक परीक्षा सुरु भएको हो । सोलुखुम्बुले गत वर्षको एसइइ परीक्षामा प्रदेश नम्बर १ कै उत्कृष्ट नतिजा हासिल गरेको थियो ।
जिल्ला भरबाट १ हजार ६ सय ७१ जना एसइइ मा सहभागि भएका ८७ प्रतिशत विद्यार्थी उत्तीर्ण भएका थिए ।
Discussion about this post