औद्योगिक मेलामा सहभागी हुन केपिलासका अध्यक्ष राई भियतनाममा 

भदौ ७, सोलुखुम्बु ।  केपिलासगढी गाउँपालिका खोटाङका अध्यक्ष समिर राई औद्योगिक मेला मा सहभागी हुनका लागी भियतनाम जानु भएको छ । आगामी अगष्ट २८ देखी ३० सम्म आयोजना हुने भियतनाम अन्तराष्ट्रिय औद्योगिक मेलामा सहभागि हुनका लागी अध्यक्ष राई त्यस तर्फ जानु भएको छ ।  

उहाँ विहीबार भियतनाम तर्फ उड्नुभएको केपिलासगढी गाउँपालिकाका सूचना  प्रविधि अधिकृत संगम खतिवडाले जानकारी दिनुभएको छ ।  भियतनाम मेला प्रदर्शनी केन्द्रको आयोजनामा हुने ३० औँ औद्योगिक मेलामा सहभागी हुनका लागी जानुभएका राईले त्यहाँ रहदा भियतनामको औद्योगिक क्षेत्रको बारेमा अध्ययन अनुसन्धान गर्नुहुने जनाइएको छ ।

 भियतनामको सबैभन्दा ठुलो औद्योगिक संस्था भियतनाम एक्जिबिसन फेयर सेन्टर ज्वाइन्ट स्टक कम्पनीका जेनेरल डाइरेक्टर होआ लियोनको निमन्त्रणामा भियतनाम जानुभएका अध्यक्ष राईलाई उक्त कम्पनीले दुई देशका स्थानीय तह बिचको आपसी साझेदारी, औद्योगिक सम्बन्ध स्थापना र औद्योगिक सम्भावनाबारेको खोजी हुने अपेक्षा सहित आमन्त्रण गरको थियो ।

 भियतनामको मन्त्रालयको आर्थिक साझेदारीमा आयोजित मेलामा सहभागी भएर अध्यक्ष राईले त्यहाँ देखेका उदाहरण पालिकामा कार्यान्वयन गर्ने जनाउनुभएको छ ।