भदौ ७, सोलुखुम्बु । सोलुखुम्बुकी अपेक्षा बास्तोलाको बाल कथा सङ्ग्रह “भयको तस्वीर” लोकार्पण गरिएको छ । हाल हिमरश्मि मा.वि. तारकेश्वर काठमाडौंमा अध्ययनरत सोलुखुम्बुको नेचासल्यान ४ की १४ वर्षिय बालिका बाँस्तोलाको पहिलो कथा सङ्ग्रह शुक्रबार नेपाल प्रज्ञा प्रतिष्ठानमा एक समारोहका विच लोकार्पण गरिएको हो । २०७६ सालमा ’बाल प्रज्ञा’ साहित्यिक पत्रिकामा पहिलो पटक मेरो “बन्दाबन्दी अनुभव” शीर्षकको निबन्ध प्रकाशित गरेकी अपेक्षाले त्यसपछि विभिन्न साहित्यिक पत्रपत्रिकामा आफ्ना सिर्जनाहरू प्रकाशित गर्दै आएकी छिन् ।
राष्ट्रिय विभुती जयपृथ्वीबहादुर सिंहको जन्मजयन्तीको अवसर पारेर गरिएको कथा सङ्ग्रह लोकार्पण कार्यक्रममा नेपाल प्रज्ञा प्रतिष्ठानका कुलपति भूपाल राई, उपकुलपति विमलकृष्ण श्रेष्ठ, सदस्य सचिव डा.धनप्रसाद सुवेदी, नेपाल बालसाहित्य समाजका अध्यक्ष, प्रमोद प्रधान, संस्थापक अध्यक्ष प्रा.डा. चूडामणि बन्धु, र संस्थापक सचिव प्रा. रामकुमार पाँडेले संयुक्तरूपमा विमोचन गरी लोकार्पण गर्नुभएको हो ।
बाल साहित्य समाज र नेपाल प्रज्ञाप्रतिष्ठानको संयुक्त आयोजनामा सम्पन्न समारोहमा अन्य २ बालप्रतिभाहरू पनि पुरस्कृत भएका छन् । पुरस्कृत हुनेहरूमा सुर्खेतकी बाल गायिका प्रीति बिक र रामेछापका सर्जक आकाश सुनुवार रहेको छन् । समारोह जयपृथ्वीबहादुर सिंहको जन्म जयन्तीको अवसरमा आयोजना गरिएको थियो ।
Discussion about this post