पिके सोलुखुम्बु टाप्टिङ समाज सेवाको १८ औ वर्षिक साधारणसभा तथा अधिवेशन हुदैँ

भदाै ८, साेलुखुम्बु ।  काठमाडौ स्थित रोयाल तिनचुली बैङ्क्वेट तीनचुलीमा वार्षिक साधारणसभा तथा अधिवेशन हुने भएको छ ।  यहि भदाै १५ गते शनिबार साे कार्यक्रम हुने भएकाे हाे ।

सम्पुर्ण पिके सोलुखुम्बु टाप्टिङ समाज सेवाका संरक्षक आजीवन सदस्य तथा साधारण सदस्य लगायत सरोकारवाला साथै शेर्पा दाजुभाइ तथा दिदीबहिनीहरुलाई संस्थाले उपस्थितिको लागि अनुरोध गरेकाे छ ।

 याे विषय सस्थाको अधिकारिक पेज बाट सूचना प्रकाशन गरेको संस्थाका महासचिब अम्बर तामाङले जानकारी दिनु भयो। साधारणसभामा उपस्थित हुन आउँदा संस्थाका सम्पूर्ण साधारण सदस्यहरुको सदस्यता पनि नविकरण हुने भएको हुँदा वार्षिक सदस्य शुल्क लिएर आउन संस्थाले अनुरोध गरेकाे छ  ।

सोलुदुधकुण्ड नगर पालिका वडा नं. १०, टाप्टिङका बाट राजधानी शहर काठमाडौमा अस्थाई तथा स्थाई बसोबास गर्ने शेर्पा, तामाङ, मगर लगाएत समुदायहरूको साझा संस्थाको रुपमा स्थापित गरेकाे याे संस्थाकाे मुख्य उद्देश्य आफ्नो मुल जन्म थालोसँग जोडी राख्नु,  आफ्नो संस्कार र संस्कृतिकलाइ निरन्तरता दिने, मौलिक संस्कार, संस्कृति, परम्परा र धर्म बारे खोज तथा अनुसन्धान गरी प्रचार प्रसार गर्नु र त्यसको संवर्द्धन गर्नु, रितिरिवाजहरू, चाडपर्वहरू, गुम्बाहरू, छ्योर्तेनहरू, मन्दिरहरू, मानेहरु र जैविक विविधता संरक्षण गर्दै  पर्यटन प्रर्वद्धनमा टेवा पुर्याउनु रहेकाे अध्यक्ष ङवाङ फुरी शेर्पाले बताउनुभयो ।

साथै विशेष गरी टाप्टिङ क्षेत्र भित्रका विपन्न परिवारहरुलाई औषधी उपचार लगाएतमा अार्थिक तथा भौतिक सहयोग गर्दै आएको अध्यक्ष  शेर्पाकाे भनाइ छ ।