सुनकोशी दुर्घटना : गाडी निकालियो, ३ जना बेपत्ता

भदाै ९, साेलुखुम्बु ।  हलेसीबाट काठमाण्डौका लागी हिँडेको गाडी सुनकोशी नदिमा खस्दा वेपत्ता ३ जनाको खोजि कार्य जारी रहेको छ । खोटाङको हलेसी महादेव मन्दिर दर्शन गरेर फर्कने क्रममा अपराह्न ५ : ३० बजे गोलञ्जर गाउँपालिका वडा नम्बर १ कुँडेलमा भएको दुर्घटनामा ३ जना बेपत्ता भएका थिए ।

गाडीभने राती १ बजेर ४० मिनेटमा गाेताखाेरकाे टाेलीले सुनकोशीबाट निकालेर राखिएको छ । ४ जना सवार गाडी दुर्घटनामा ३ जना अझै बेपत्ता छन्र ।  बेपत्ता हुनेमा गाडी चालक अविन बाके, गाडीमा सवार प्रणीत स्यावो र बलराम भतुवा रहेका छन् । सुनकोसीमा खसेलगत्तै १ जना भने पौडेर बाहिर निस्किएका छन् । नदीबाट सुशान्त कक्षपति पौडिएर बाहिर निस्किएको सिन्धुलीका निमित्त प्रमुख जिल्ला अधिकारी कृष्णमणि फुयालले जानकारी दिए । उनको कुम र टाउकोमा चोट लागेको छ । कक्षपतिलाई उपचारका लागि खुर्कोट पठाइएको फुयालले जानकारी दिए ।

फुयालका अनुसार गाडी भेटिए पनि बेपत्ता भएका ३ जनाको खोजी कार्य जारी रहेको छ । भक्तपुरको सुर्यविनायक नगरपालिका ४ बाट हलेसी तीर्थयात्रा गएर फर्किने क्रममा गाडी दुर्घटना भएको हो । गाडी मध्यपहाडी लोकमार्ग हुँदै भक्तपुर फर्किँदै गर्दा दुर्घटनामा परेको थियो । बेपत्ताहरूको खोजीका लागि सशस्त्र प्रहरीका १० र जनपद प्रहरीका २५ जना परिचालन गरिएको फुयालले जानकारी दिए ।