स्वमूल्यांकनमा खोटाङको हलेशी तुवाचुङ जिल्लाकै उत्कृष्ट, दिक्तेल सबैभन्दा कमजोर

भदौ ९, सोलुखुम्बु । संघीय मामिला तथा सामान्य प्रशासन मन्त्रालयको स्थानीय तह संस्थागत क्षमता स्वमूल्याङकनमा हलेसी तुवाचुङ नगरपालिका पहिलो भएको छ । मन्त्रालयले बिहीबार आर्थिक वर्ष २०७९/०८० को प्रकाशित गरेको नतिजा अनुसार ८३ नम्बर प्राप्त गरेर हलेसी प्रथम भएको हो।

दिप्रुङ चुईचुम्मा गाउँपालिका ८० नम्बर ल्याएर दोश्रो भएको छ। केपिलासगढी गाउँपालिका ७८.२५ अंक ल्याएर तेश्रो भएको छ। साकेला गाउँपालिकाले ७६.२५, जन्तेढुंगा गाउँपालिकाले ७३.७५, खोटेहाङ गाउँपालिकाले ७१.२५, ऐसेलुखर्क गाउँपालिकाले ६८.७५, बराहपोखरी गाउँपालिकाले ६८.२५, रावाबेंशी गाउँपालिकाले ६७.२५ र दिक्तेल रुपाकोट मझुवागढी नगरपालिकाले ६६ नम्बर नम्बर पाएको छ ।

मन्त्रालयले स्थानीय तहमा जवाफदेहिता, पारदर्शिता र प्रतिस्पर्धा प्रवद्र्धन गर्दै सुशासन कायम गर्ने उद्देश्यले शासकीय प्रवन्ध, संगठन तथा प्रशासन, बजेट तथा योजना तर्जुमा व्यवस्थापन, वित्तीय एवंम् आर्थिक व्यवस्थापन, सेवा प्रवाह, न्यायिक कार्यसम्पादन, भौतिक पूर्वाधार, सामाजिक समावेशीकरण, वातावरण संरक्षण तथा विपद व्यवस्थापन तथा सहकार्य र समन्वयमा विभिन्न सूचक राखेर अंकभार निर्धारण गरेको छ ।

स्थानीय तहले गरेको स्वमूल्यांकनलाई जाँच गर्ने जिम्मेवारी जिल्ला समन्वय समितिलाई हुन्छ। त्यसपछि मन्त्रालयले गुणस्तर परीक्षण गर्ने गरेको छ ।