थामे बाढी पीडितका लागी पाइला पाइलाको १० लाख राहत 

भदौ ९, सोलुखुम्बु ।  थामे बाढी पीडितका लागी पाइला पाइला संस्थाले १० लाख रुपैयाँ राहत रकम उपलब्ध गराएको छ ।  प्रधान कार्यालय फ्रान्समा रहेको संस्थाले नेपालको थामे बाढी पीडितको राहतका लागी १० लाख रकम पठाएको नेपाल प्रतिनिधि पासाङ लामाले बताउनुभयो । संस्थाले उपलब्ध गराएको राहत रकम सोलुदुधकुण्ड नगरपालिकाका मेयर नाम्गेल जाङबु शेर्पा पीडित पक्ष सम्म पु¥याउनुभएको थियो । हिमताल फुटे आएको बाढीले खुम्बु पासाङ ल्हामु गाउँपालिका वडा नम्बर ५ थामेमा ३२ साउनमा खुम्बुको थामेमा हिमपहिरो विस्फोट हुँदा गेग्रान र ढुँगा सहित आएको बाढीले एउटा विद्यालय, एउटा स्वास्थ्य चौकी, २ वटा होटल, १३ वटा घर पूर्ण र १० वटा घर आंशिक रूपमा क्षति भएको थियो । ९५० किलोवाट क्षमताको जलविद्युत् परियोजनामा समेत क्षति पुगेको थियो ।