एमालेबाट थुलुङदुधकाेशीमा अध्यक्षका प्रत्यासी आङबाबु प्रहरी खाेरमा, सहकारीकाे २२ लाख ठगीको आराेप

भदौ ९, सोलुखुम्बु । सोलुखुम्बुको थुलुङ दुधकोशी गाउँपालिकामा अध्यक्षका प्रत्यासी आङ बाबू राई सहकारी ठगी प्रकरणमा पक्राउ परेका छन् । स्थानीय तह निर्वाचन २०७९ मा नेकपा एमालेबा६६  थुलुङ दुधकोशीको अध्यक्षमा उम्मेद्वारी दिएर हार व्यहोरेका राई अहिले सहकारी रकम ठगी आरोपमा प्रहरी हिरासतमा छन् । रुरल डेभलपमेन्ट ऋण तथा बचत सहकारीमा अध्यक्ष समेत रहेका राई सहित उक्त संस्थाका अन्य ३ पदाधिकारी सहकारी रकम ठगी आरोपीत छन् ।

सहकारी संस्थाका अध्यक्ष आङ बाबू राई पक्राउ परेपनि सहकारीका सचिब बिनोदमणी राई र कोषाध्यक्ष अप्सरा श्रेष्ठ फरार रहेका छन । आ.ब.२०७३/०७४ सम्मको २२ लाख ४६ हजार १० रुपैयाँ खुदनाफा रहेको रकम उनिहरु तीन जना पदाधिकारीहरुले मिलमतोमा हिनामिना गरको आरोप उनिहरुलाई छ । उक्त रकमको साधारण सभा समेत नगरि अध्यक्ष राई सहितका ३ पदाधिकारीले हालसम्म साधारणसभा समेत नगरेपछि प्रकरण बाहीर आएको थियो ।

यसरी रकम ठगीको आरोप लागेपछि काठमाडौ महानगरपालिकाले छानविन गरेर निकालेको प्रतिबेदनमा १३ वटा कैफियत औल्याउँदै थप अनुसन्धान गर्न भनिएको छ । प्रतिबेदनका आधारमा कैफियत सम्बन्धमा थप कारबाही गर्न नेपाल प्रहरी केन्द्रीय अनुसंधान ब्युरो हुँदै काठमाडौ प्रहरी परिसर बाट महानगरीय प्रहरी वृत्ति लैनचौरमा मिसिल पुगि ठगिमा संलग्नहरुलाई पक्राउ गरि अनुसंधान गर्न काठमाडौ जिल्ला अदालतले अनुमति दिइसकेको अवस्थामा बृत्तले अध्यक्षलाई पक्राउ गरि अनुसन्धान सुरु गरेको हो ।

सहकारीको नाममा अनाधिकृत रकम उठाएर जग्गा किन्ने, किर्ते साधारण सभा गर्ने, अस्वभाविक ब्याज लिने, नक्कली लेखापरिक्षण गर्ने लगायतका फजुल काम गरेको निष्कर्ष सहितको प्रतिबेदन पश्चात उनिहरु विरुद्ध पक्राउ पुर्जि जारी भएको छ । यस्तै अनुसन्धानबाट सहकारीले संकलन गरेको रकम सहकारीको नाममा रहेको सिटिजन बैंक को खातामा जम्मा नगरी अध्यक्षको निजि खातामा जम्मा गरि सिमित ब्यक्तिले दुरुपयोग गरि ठगी गरेको ,कर्जाबाट उठाएको सावाँ र ब्याजको रकम समेत निजि खातामा लिएर ठगी गरि हिसाबमा रकम उठाउने भनी उल्लेख गरेको, नागरिकलाई बचत गर्न लगाएर ठगी गरेको लगायतका तथ्यहरु फेला परेका छन ।