जसपा नेपालको कार्यकारिणी समिति सदस्यमा डा.केके मनोनित 

भदौ १०, सोलुखुम्बु ।  उपेन्द्र यादव नेतृत्वको जसपा नेपालको केन्द्रिय कार्यकारीणी समिति सदस्यमा खोटाङका कृष्ण कुमार राई मनोनित भएका छन् । महाधिवेशन भएको २ महिना पछि केन्द्रिय समिति, कार्यकारिणी समिति र पदाधिकारीलाई पूर्णता दिँदै पार्टीले मनोनित गरेको केन्द्रिय कार्यकारीणी समितिमा खोटाङका राई कार्यकारिणी समितिमा मनोनित हुनुभएको हो ।  

यस अघि पनि राई जसपा नेपाल नफुट्दा केन्द्रिय सदस्य सागै राजनीतिक समिति सदस्य थिए ।  अहिलेको जसपा नेपालले उहाँलाई एक वरियता माथि उकाल्दै केन्द्रिय कार्यकारीणी समिति बनाएको हो ।  राई सहित केन्द्रिय कार्यकारिणी समितिमा हरिनारायण यादव, अर्जुन थापा, डा. सुरेन्द्रकुमार यादव, अशेश्वर यादव, निर्मला यादव, तारा विश्वकर्मा, राजकुमार गुप्ता, जयराम यादव र रामकिशोर यादव रहेका छन् । खोटाङको दिप्रूङ चुइचुम्मा गाउँपालिका वडा नम्बर ६ छितापोखरीका राईले २०७९ सालको प्रतिनिधी सभा निर्वाचनमा जसपा नेपालको तर्फबाट प्रत्यक्ष तर्फ उम्मेद्वारी दिएका थिए ।

डाक्टर कृष्ण कुमार राई केके खोटाङमा सञ्चालित फेमेली केयर अस्पतालका निवर्तमान संस्थापक   अध्यक्ष सँगै सिनियर डाक्टर समेत हुन ।  जसपा नेपालको केन्द्रिय सदस्यमा खोटाङमा प्रेम राई पनि मनोनित भएका छन् । उनी महाधिवेशनबाट केन्द्रिय सदस्यमा चयन भएका थिए  । राई जिल्लाको साकेला गाउँपालिका वडा नम्बर २ रतन्छाका हुन ।  उनी सँगै खोटाङबाट जसपाको केन्द्रिय समितिमा २ जना नेता पुगेका छन् ।