सोलुखुम्बुको सल्लेरी बजारमा तिन पाङ्ग्रे र चार पाङ्ग्रे सवारी साधन प्रवेश निषेध

भदौ १०, सोलुखुम्बु । हिमाली जिल्ला सोलुखुम्बुको सदरमुकाम सल्लेरी सल्लेरी बजार क्षेत्र भित्र बिहान र दिउँसो सवारी साधन प्रवेश गर्न नपाईने भएको छ । नगरपालिकाले आइतबार एक सूचना जारी गर्दै बजार क्षेत्र भित्र बिहान एक घण्टा र दिउँसो एक घण्टा तिन पाङ्ग्रे र चार पाङ्ग्रे सवारी साधन प्रवेश गर्न नपाईने भएको हो ।

सोलुदुधकुण्ड नगरपालिकाकी प्रमुख प्रशासकिय अधिकृत कोपिला राईका अनुसार बिहान ९ बजे देखी १० बजे सम्म र दिउँसो ३ः३० बजे देखी ४ः३० बजे सम्म तिन पाङ्ग्रे र चार पाङ्ग्रे सवारी साधन बजार क्षेत्र प्रवेशमा निषेध गरिएको हो ।

भदौ ६ गतेका दिन नगरपालिकन र यातायात व्यवसायी दुई पक्ष बिच भएको निर्णय अनुसार सवारी प्रवेशमा रोक लगाइएको जनाईएको छ । उक्त समयमा बजार क्षेत्र भित्र विद्यार्थीहरु आवतजावत गर्ने भएकाले दुर्घटना हुनबाट जोगाउन यस्तो निर्णय गरिएको नगरपालिकाले जनाएको छ ।