सगरमाथा युथ क्लबले जित्यो ताप्लेजुङ गोल्डकप उपाधि

भदौ १०, सोलुखुम्बु । दोस्रो ताप्लेजुङ गोल्डकप फुटबलको उपाधि मोरङको सगरमाथा युथ क्लबले जितेको छ । ताप्लेजुङको फुङलिङ मैदानमा आज भएको फाइनलमा सिरहाको सलहेश युवा क्लबलाई १–० ले हराउँदै सगरमाथाले उपाधि जितेको हो ।

सेमिफाइनलमा सगरमाथाले आयोजक टोलीले सङ्घर्ष रिपोर्टिङ युवा क्लबलाई २–१ ले हराएको थियो । यस्तै सलहेशले सेमिफाइनलमा झापाको बिर्तामोड युनाइटेड क्लबलाई पेनाल्टी शुटआउटमा ४–२ ले हराएको थियो ।

मोरङको सगरमाथा युथ क्लबले उपाधिसँगै पाँच लाख रुपैयाँ तथा उपविजेता बनेको सलहेशले दुई लाख ५० हजार रुपैयाँ पाएका छन् । पहिलो संस्करणको ताप्लेजुङ गोल्डकपको उपाधि इलामको रेडहर्स फुटबल क्लबले जितेको थियो ।