असोज २, सोलुखुम्बु । उदयपुरको ताप्ली गाउँपालिकामा स्वास्थ्य शिविर सम्पन्न भएको छ । बुधवार ताप्ली गाउँपालिका तथा बि एण्ड बि अस्पतालको समन्वयमा सञ्चालन गरिएको स्वास्थ्य शिविर सम्पन्न भएको हो । शिविरमा जन्मदै ओठ तथा तालु फाटेकाहरुलाई लक्षित गरी शिविर आयोजना गरिएको संवाददाता ठबिन्द्र मगरले जानकारी दिनुभयो ।
शिविरमा गाउँपालिकाको वडा नम्बर १,४ र ५ का एक एक जना गरी जम्मा ३ जना बालबालिकाले सेवा लिएका छन् । जस्मा ३ बर्ष देखि माथी र ८ बर्ष भन्दा मुनिका दुई बालक र एक बालिका रहेको जनाईएको छ ।
उनिहरुको ओठको अपरेसन भई सकेको र केही गिजाको भाग जोडिन बाकी रहेकोले बि एण्ड बि अस्पतालमा पुनः उपचार तथा प्लास्टिक सर्जरिको लागि सिफारिस गरिएको संवाददाता मगरले जानकारी दिनुभयो । बालबालिकामा ओठ तथा तालु फाट्नु भनेको बच्चा जन्मनु भन्दा पहिला आमा र बाबुले प्रयाप्त मात्रामा पोषणयुक्त खानपान र आईरन र क्याल्सियम को मात्रा पूरा गर्नुपर्ने हुन्छ ।
Discussion about this post