शैक्षिक वर्ष २०८० को उत्कृष्ट विद्यालयमा राम्चे निकेतन मावि घोषित

असोज २, सोलुखुम्बु । खोटाङको दिप्रुङ चुइचुम्मा गाउँपालिकामा रहेको राम्चे निकेतन मावि पालिकाकै उत्कृष्ट विद्यालय घोषित भएको छ । बुधवार राष्ट्रिय शिक्षा दिवस–२०८१ को अवसरमा आयोजित कार्यक्रममा उक्त विद्यालय उत्कृष्ट विद्यालयको रुपमा घोषित गरिएको गाउँपालिकाले जनाएको छ ।

वर्ष दिनभित्र शैक्षिक प्रगतीमा उत्कृष्ट भूमीका निर्वाह गरेको मूल्यांकनका आधारमा गाउँपालिकाले उत्कृष्ट विद्यालय घोषणा गर्दै ३ लाख रुपैँया पुरस्कार प्रदान गरिएको पालिका प्रवत्ता एवंम वडा नम्बर ३ का वडा अध्यक्ष भुपेन्द्र बस्नेतले बताउनुभयो ।

राष्ट्रिय शिक्षा दिवस कार्यक्रममा विभिन्न अतिरिक्त क्रियाकलापहरु (हाजिरि जवाफ प्रितयोगिता, गणित सम्वन्धि प्रतियोगितात्मक कार्यक्रम, निबन्ध प्रतियोगिता साथै २०८० सालको एसइई परिक्षामा गाउँपालिका प्रथम, द्वितीय, तृतीय र पालिका स्तरीय कक्षा ८ को प्रथम, द्वितीय, तृतीय लाई समेत पुरस्कार वितरण गरिएको छ ।

उक्त कार्यक्रममा दिप्रुङ चुइचुम्मा गाउँपालिका अध्यक्ष लोकेन्द्र राई, निमित्त प्रमुख प्रशासकिय अधिकृत चाम्लिङ राई, विभिन्न वडा वडा अध्यक्ष, कार्यपालिका सदस्य, राजनीतिक दलका प्रतिनिधि, पालिका अन्तर्गतका विद्यालयका प्रधानाध्यापक, शिक्षक–शिक्षिका, समाजसेवी तथा वुद्धिजीवि, गाउँपालिकाका सम्पूर्ण कर्मचारीहरुको समेत उपस्थिति रहेको थियो ।