हिमाली जिल्ला सोलुखुम्बुमा मनाइयो ६९ औँ प्रहरी दिवस 

असोज ३०, सोलुखुम्बु । हिमाली जिल्ला सोलुखुम्बुमा विभिन्न कार्यक्रम गरि प्रहरी दिवस मनाइएको छ । ६९ औँ प्रहरी दिवसको अवसरमा जिल्ला प्रहरी कार्यालय सोलुखुम्बुले दिवस विशेष कार्यक्रमको आयोजना गरेको हो । कार्यक्रममा बुधबार बिहानै जिल्ला प्रहरी कार्यालय परिसरमा विभिन्न समयमा राष्ट्रका लागी योगदान गर्दै गर्दा ज्यान गुमाएका प्रहरीहरू प्रति श्रद्धाञ्जली सलामी अर्पण गरिएको छ ।

जिल्लामा सान्ती सुरक्षा काय गर्ने सन्दर्भ होस वा विपद तथा प्राकृतिक प्रकोपको बेला उद्धार तथा राहतमा खट्ने सन्दर्भमा होस नेपाल प्रहरीले अतुलनीय भूमिका खेलेको बताइएको छ । दिवसका अवसरमा आयोजित कार्यक्रमको सुरुवातमा अमर प्रहरी प्रतिमामा माल्यार्पण गरिनुका साथै प्रहरी दिवसको पूर्व सन्ध्यामा आयोजित विभिन्न प्रतियोगितामा बिजेताहरूलाई पुरस्कार समेत वितरण गरिएको छ ।  

औपचारिक कार्यक्रमलाई सम्बोधन गर्दै प्रमुख जिल्ला अधिकारी देवी पोण्डे खत्रीले प्रहरीको अहोरात्र खटाईको प्रशंसा गर्दै थप जनमैत्री काममा लाग्न निर्देशन दिनु भयो । जिल्ला प्रहरी कार्यालयका प्रमुख डीएसपी द्वारिकाप्रसाद घिमिरेले प्रहरी जनतासँगै हातेमालो गरेर अगाडि बढिरहेको भन्दै शान्तिपूर्ण र अपराधरहित समाज निर्माणमा निरन्तर लागि पर्ने बताउनुभयो ।

महिला उद्यमी सङ्घकी जिल्ला अध्यक्ष शारदा माया तामाङले सभ्य र सुसंस्कृत समाज निर्माणमा नेपाल प्रहरीको भूमिका अतुलनीय रहेको उल्लेख गर्नु भयो । कार्यक्रममा जिल्ला स्थित सबै सुरक्षा निकायका प्रमुख, कार्यालयका प्रमुखहरू तथा नागरिक समाजका अगुवाहरूको उपस्थिति रहेको थियो । सो अवसरमा सबैले कर्तव्य पालनको सिलसिलामा ज्यान गुमाएका अमर प्रहरी प्रति श्रद्धासुमन व्यक्त गरेका छन् ।