सोलुखुम्बु सेवा समाज दक्षिण कोरियाको पहलमा मगरको उपचारका लागि जुट्यो ढेड लाख बढी आर्थिक सहयोग

मंसिर १६, सोलुखुम्बु । करेन्ट लागेर घाइते भएका नेचासल्यान गाउँपालिका वडा नं–५ का देश बहादुर मगरको उपचारका लागि १ लाख बढी सहयोग प्राप्त भएको छ । नेटको तार टाँग्ने क्रममा करेन्ट लागेर गम्भीर घाइते भएका मगरको उपचारमा आर्थिक अभाव भएपछि सोलुखुम्बु सेवा समाज दक्षिण कोरियाको अगुवाईमा सहयोग संकलन अभियान सुरु गरिएको थियो ।

१५ लाख ८२ हजार ९ सय ४० कोरियन वोन रकम यस संस्थाको अभियानमा संकलन गरि रेमिटेन्सबाट नेपाल पठाउदा एक लाख ५१ हजार ५ सय रुपैयाँ हुन गएको र सो रकम संस्थाका उपाध्यक्ष विकास थापा मगर मार्फत हस्तान्तरण गरिएको छ । मगरको मेरुदण्डको अपरेसन गरिएको छ, भने स्वास्थ्यमा क्रमिक रुपमा सुधार हुदै गएको जनाइएको छ ।

मगरको त्रिवि अस्पताल महाराजगन्जमा अप्रेसन र उपचार भइरहेको जानकारी पाएसँगै सोलुखुम्बु सेवा समाज दक्षिण कारियालाई प्राप्त भएको रकम हस्तान्तरण गरिएको सन्तोष मगर (र्याबिट) ले जानकारी दिनुभयो ।