प्रतिनिधिसभा सदस्य वजिमयद्वारा हाटडाँडादेखि मझुवागढी जाने सडक ढलानको शिलान्यास

मंसिर २९, सोलुखुम्बु । खोटाङको दिक्तेलबजारको हाटडाँडादेखि मझुवागढी, कालिका भगवती मन्दिर जाने सडक ढलानको शिलान्यास प्रतिनिधिसभा सदस्य सरस्वती वजिमयले गर्नुभएको छ ।

सघन शहरी विकास तथा भवन निर्माण आयोजना ओखलढुंगाको १ करोड ८५ लाख ६२ हजार ९०२ रुपैयाँमा ६०० मिटर सडक ढलान गर्नेगरी तयारी भएसँगै वजिमयले शनिबार शिलान्यास गर्नुभएको हो । उक्त सडकको ठेक्का ममता/पिआर/मोहन एण्ड व्यासीगाउँ जेभी दिक्तेलले पाएको छ । निर्माण कम्पनीले आगामी असार मसान्तसम्म सडक ढलान गर्नेगरी कार्यालयसँग सम्झौता गरेको जनाइएको छ ।

दिक्तेल रुपाकोट मझुवागढी नगरपालिकाका नगरप्रमुख तिर्थराज भट्टराईको अध्यक्षतामा भएको शिलन्यास कार्यक्रममा प्रमुख अतिथि प्रतिनिधिसभा सदस्य वजिमयका साथै वडा , नगरपालिकाका कर्मचारीहरु, प्राविधिक टोली लगायत स्थानीयवासीहरुकोे उपस्थिति रहेको थियो ।