पौष ७, सोलुखुम्बु । सोलुखुम्बुको नेचासल्यान गाउँपालिकामा प्लाष्टिक पोखरी निर्माणका लागि मागका आधारमा प्लाष्टिक वितरण गरिने भएको छ । नेचासल्यान गाउँपालिका कृषि शाखाको चालु आर्थिक बर्ष २०८१/०८२ मा सञ्चालित कृषि व्यवसाय प्रवद्र्धन अनुदान कार्यक्रम अन्तर्गत ७५ प्रतिशत अनुदानमा प्लाष्टिक वितरण गरिने भएको हो ।
कृषि शाखा अधिकृत सबिता बास्तोलाका अनुसार आकाशे पानी संकलन गर्ने प्लाष्टिक पोखरी कृषकहरुको मागको आधारमा वितरण गरिने भएको हो । विशेष गरी तरकारी खेतीका लागि सिँचाइको सुबिधा नभएको अवस्थामा खेर जाने पानी प्लाष्टिक पोखरीमा जम्मा गरेर त्यसबाट किसानले फाइदा लिन पाउने उहाँको भनाई छ ।
अन्य बेला खेर गएको पानीलाई सो पोखरीमा जम्मा पारेर तरकारी खेतीमा सिंचाई गर्न प्लाष्टिक पोखरी निर्माण पश्चात निक्कै उपयोगी सावित हुने कृषि शाखाले विश्वास लिएको छ । यही मंसिर ७ देखि २१ गते सम्म कृषकहरुले समय अवधि भित्र कृषि शाखा तथा उपशाखामा निवेदन दिन पालिकाले आग्रह गरेको छ ।
Discussion about this post