उदयपुरको ताप्ली– ३ बालमैत्री वडा घोषणा

पौष ७, सोलुखुम्बु । उदयपुरको ताप्ली गाउँपालिका वडा नम्बर ३ ‘बालमैत्री वडा’ घोषणा गरिएको छ । आईतबार “उज्यालो ताप्ली, दिगो बिकास र बालमैत्री सहितको पुर्वधार शिक्षा, स्वस्थ्य,कृषि पर्यटन र रोजगार,हरियाली ताप्लिको समृद्धिको आधार” भन्ने मुल नाराका साथ ईनामेलाई बालमैत्री वडा घोषणा गरिएको हो ।

स्थानिय शासन अवलम्बनको ५१ वटा सूचकहरु पुरा गरे संगै एक औपचारिक कार्यक्रमका साथ बालमैत्री वडा घोषण गरिएको संवाददाता ठविन्द्र मगरले जानकारी दिनुभयो । यस वडामा ६ सय ४२ घरधुरिको २ हजार ९ सय ८५ जनसंख्या मध्ये १२०० बालबालिका रहेको ३ नम्बर वडाको स्थिती पत्रमा उल्लेख गरिएको छ । बालमैत्री वडा घोषणा गर्न वडाका स्वस्थ्यकर्मी, महिला स्वास्थ्य स्वयंसेबिका, बालक्लव, युवा क्लव, बिद्यालय, जनप्रतिनिधी, कर्मचारिहरुको महत्वपूर्ण योगदान रहेको छ ।

ताप्ली गाउँपालिकाका अध्यक्ष ढुङ्गराज बिश्वकर्माको प्रमुख आतिथ्यता मा सम्पन्न भएको कार्यक्रममा उपाध्यक्ष धनामाया मगर, प्रमुख प्रशासकिय अधिकृत भक्त बहादुर राई,५ वटै वडाका अवडाध्यक्षहरु , जाल्पा एकिकृतका अध्यक्ष मदनराज कटुवाल, मानव अबिकार र वातावरण बिकास केन्द्रका अध्यक्ष शंकर बहादुर थापा,को विशेष आतिथ्यता रहेको थियो ।

त्यस्तै बालमैत्री वडा घोषणालाई सफल बनाउनको लागि वर्ल्ड भिजन ईन्टरनेशनल नेपाल, जाल्पा एकीकृत बिकास समाज र मानव अधिकार र बातावरण बिकास केन्द्र ( हुतेण्डेक) उदयपुरले समेत भूमिका निर्वाह गरेको बताइएको छ । यस साझेदारी संघसंस्था र गाउँपालिकाको सकृयतामा बिगत केहि बर्ष अघि देखि शिक्षा ,स्वास्थ्य, बालस्पोन्सरसिप, जिबिको पार्जन जस्ता क्षेत्रमा काम गर्दै आईरहेको छ । कार्यक्रममा बोल्दै गाउँपालिका अध्यक्ष ढुङ्गराज बिश्वकर्माले बालमैत्री वडा घोषणा गर्न अहोरात्र खटिएका सहयोगी संघसंस्था, बिषयगत शाखाका कर्मचारीलाई धन्यवाद व्यक्त गर्नुभयो ।

यस्तै हुरेण्डेकका अध्यक्ष शंकर बहादुर थापाले बालमैत्री घोषणाका चरणमा पुग्न कार्यक्रम कार्यान्वयन प्रकृया, र चुनौतिहरुलाई चिर्दै समन्वयत्मक ढङ्गले ५१ वटा सूचकहरु पार गरि बालमैत्री वडा घोषणा गरिएको बताउनुभएको छ । कार्यक्रममा बोल्ने क्रममा गाउँपालिका उपाध्यक्ष धनामाया मगरले ताप्लिको भौतिक, सामाजिक, आर्थिक, भाषा सस्कृती, शैक्षिक साथै विशेष गरि बालबालिकाको समग्र बिकासको लागि सक्दो बजेट बिनियोजन गर्ने प्रतिवद्धता व्यक्त गरेका छन ।

उक्त कार्यक्रममा गाउँपालिका अध्यक्ष र प्रशासकिय अधिकृतबाट जाल्पाका कर्मचारी, स्वयंसेविका, टोल बिकास संस्था, बाल संजाल, विद्यालयका प्रअ र कर्मचारीलाई प्रसंशापत्र, कदरपत्र, र मायाको चिनो प्रदान गरिएको छ ।