सोलुदुधकुड नगरपालिकाको भवनको उपप्रधानमन्त्री सिंह र रक्षामन्त्रि राईले गरे शिलान्यास, भन्छन–‘काँग्रेस एमालेको गठबन्ध –संविधानलाई जोगाउन’

पौष १४, सोलुखुम्बु । उपप्रधान तथा शहरी विकास मन्त्री प्रकाशमान सिंहले काँग्रेस–एमालेको गठबन्धन संविधानको संसोधनकै लागि बनेको बताएका छन् । संविधानलाई सबैको अपनत्व हुने गरि संसोधन गर्न २ ठूला दल मिल्नु परेको भन्दै यो गठबन्धन लामो समयसम्म जाने बताउनुभएको छ । आईतबार सोलुखुम्बुको सोलुदुधकुण्ड नगरपालिकाको प्रशासकीय भवनको शिलान्यास गर्दै उपप्रधानमन्त्री सिंहले जनतालाई अधिकार दिलाउन काँग्रेसले ठूला ठूला संघर्ष गरेको भन्दै जन अधिकारलाई थप सब बनाउन संविधान संसोधन जरुरी रहेको बताउनुभएको छ । उहाँले हिमाली जिल्लाको समानुपातिक विकासको लागि मन्त्रालय संवेदनशील रहेका बताउनुभएको छ ।

त्यस्तै रक्षामन्त्रि मानवीर राईले संविधान निर्माण पनि काँग्रेस एमालेले नै बनाएको भन्दै यसको संरक्षणका लागि संसोधन गर्नु पर्ने आवश्यक्ता रहेको उल्लेख गर्नुभयो । काँग्रेस एमालेलाई अहिले विभिन्न शक्तिहरुबाट चौतर्फी प्राहार गरेको र यसले ब्यवस्थामा नै असर गर्ने भन्दै अब दुई पार्टीले सबैलाई समेटेर ब्यवस्था जोगाउने गरि संविधान संसोधन गर्ने बताउनुभयो । उहाँले राश्वपाले सभापति लामिछाने जेल जाँदा सडकमा जात्रा देखाएको भन्दै एमाले नेतृत्वको सरकारले भ्रष्टाचारीहरुलाई नछाड्ने बताउनुभएको छ । उपप्रधानमन्त्री सिंह र रक्षामन्त्रिराईले संयुक्त रुपमा भवनको शिलान्यास गरेका छन् ।

सदरमुकाममा रहेको जिल्ला समन्वय समितिले हस्तान्तण गरेको २ रोपनी जग्गामा ईटाको जग हालेर मन्त्रिद्वयले शिालान्यास गरेका हुन् । भ्याटसहित ७ करोड १४ लाख १९ हजार ३ सय ६३ रुपैयाँ मा भवन निर्माण गर्न लागिएको नगरप्रमुख नाम्गेलजाङ्बु शेर्पाले जानकारी दिनुभयो । उक्त भवन आगामी २०८२ साल चैत ३० गते सम्पन्न गर्ने गरि २०८१ साल कार्तिक ५ गते आर एम सि पिआर एच बि जेभिले ठेक्का सम्झौता गरेको प्रमुख शेर्पाले बताउनुभयो । यस्तै कार्यक्रममा बोल्दै कोशी प्रदेशका सांसद एवं प्रदेश पुर्व सामाजिक विकास मन्त्री बुद्धिकुमार राजभण्डारीले सोलुखुम्बु जिल्लामा आउने बजेटका हिसाबले कमजोर रहेको र सरकारले बजेट थोरै पठाउने हो भने जिल्लाबाट प्राप्त हुने राजस्व लान नहुने उनको तर्क छ । यस्तै कार्यक्रममा बोल्दै नेपाली कांग्रेसका केन्द्रिय सदस्य एव पर्यटन विभाग प्रमुख आङ गेलु शेर्पाले राज्यले सोलु जस्तो पर्यटकीय जिल्लालाई प्रयाप्त रुपमा बिकास गर्न नसकेको उल्लेख गर्नुभयो । यस्तै अब बन्ने नगरको भवन जिल्लाकै गौरवको विषय भएको बताउदै यस भवनले सदरमुकामबासी मात्रै नभइ जिल्लाबासीलाई सहयोग पुग्ने विचार ब्यक्त गर्नुभयो । कोशी प्रदेश सांसद डोल्मा तामाङले जिल्लाका सबै पालिकामा १२ महिना सडक सञ्चालन गराउने काम गरे ।

संविधान सभा सदस्य एवं कोशी प्रदेश सभा सदस्य अमृत अर्यालले सोलुले राजस्व सरकारलाई पठाए बापत अन्य जिल्लाको हिसाबमा केही पनि नपाएको धारणा राख्नुभयो । राष्ट्रिय देखि अन्तर्राष्ट्रिय समेत पर्यटकको संभावना बोकेको जिल्लालाई विश्वव्यापी चिनाउन विकासले फट्को मार्नु पर्ने उहाँको भनाई छ । जिल्ला समन्वय समिति सोलुखुम्बुका प्रमुख कृष्णप्रसाद निरौलाले हिमाली जिल्ला सोलुको विकासमा राज्यको ध्यान पर्याप्त जान नसकेको बताउनुभयो । यस्तै सोलुखुम्बुका प्रमुख जिल्ला अधिकारी अनोज कुमार घिमिरेले जिल्लाको शान्ति सुरक्षाको अवस्था सामान्य रहेको जानकारी दिनुभयो ।