सोताङमा विभिन्न राजनीतिक पार्टी परित्याग गरी युवा नेताहरु काँग्रेसमा प्रवेश

पौष २६, सोलुखुम्बु । सोलुखुम्बुको सोताङ गाउँपालिकामा विभिन्न राजनीतिक पार्टी परित्याग गरी युवा नेताहरु काँग्रेसमा प्रवेश गरेका छन् । सोताङ गाउँपालिका – ५ गोर्खिम निवासी युवा नेता प्रज्वल कार्की नेकपा एमाले पार्टी र कृष्ण कार्की नेकपा माओवादी पार्टी परित्याग गरि नेपाली काँग्रेसमा प्रवेश गरेका हुन् ।

एमाले र माओवादीमा सक्रिय रहनु भएका कार्कीद्धय पार्टीमा योगदान र क्षमताको कदर हुन नसकको भन्दै काँग्रेसमा प्रवेश गर्नुभएको हो । शुक्रबार उँहाहरुलाई सोताङ गाउँपालिका अध्यक्ष एवं नेपाली काँग्रेस महाधिवेशन प्रतिनिधि खिलराज बस्नेतले सदस्यता हस्तारण गर्नुभएको छ । यस्तै सोताङ गाउँपालिका काँग्रेस नेता टेकमान तामाङ, युवा नेता प्रमोद राई लगायतले नेपाली काँग्रेस पार्टीमा स्वागत गरेका छन् ।