जुनतारा युवा क्लबले जुटायो आगलागी पिडित अभियान अन्तर्गत ३ लाख बढी आर्थिक सहयोग

माघ २१, सोलुखुम्बु । जुनतारा युवा क्लबले आगलागी पिडित अभियान अन्तर्गत ३ लाख बढी आर्थिक सहयोग जुटाएको छ । सोलुखुम्बुको नेचासल्यान गाउँपालिका वडा नम्बर ३ स्थित गैरी बजारका आगलागी पिडित बास्तोलाद्धयका लागी क्लबले ३ लाख २९ हजार १ सय ५८ रुपौयाँ आर्थिक सहयोग जुटाएको हो । केही समय अघि आगलागीका कारण मुक्ती बास्तोलाको घर तथा रमेश बास्तोलाको होटल पसल जलेर नष्ट भएको थियो ।

अभियानमा संकलन गरिएको सहयोग मुक्ती बास्तोलालाई ७०% र रमेश बास्तोलालाई ३०% का दरले सहयोग गरिएको क्लबका अध्यक्ष भिम भट्टराईले बताउनुभयो । सहयोग हस्तान्तरण कार्यक्रम मा वडा न.४ का अध्यक्ष एवं सामाजिक विकास समिती सयोजक इन्द्र बहादुर राई (शान्ता) राईको अगुवाई तथा कार्यपालिक सदस्य जयन्ता अधिकारीको उपस्थित रहेको थियो ।

यस्तै चेतना बिस्तार युवा परिवारका अध्यक्ष जगन्नाथ बास्तोला, सहिद कुसुम प्रतिष्ठान नेपालका अध्यक्ष लोकेन्द्र राउत, क्लवका पुर्व अध्यक्ष खेम राज कटेल, पुर्व सल्लाहकार समिती अध्यक्ष एकराज शर्मा, लगायत स्थानिय समाजसेवीहरुको उपस्थितीमा सहयोग हस्तान्तरण गरिएको छ ।