महाकुलुङ गाउँपालिका ४ मा सकियो चार लक्षित बर्ग कार्यक्रम

माघ २१, सोलुखुम्बु । सोलुखुम्बुको महाकुलुङ गाउँपालिका वडा नम्बर ४ मा लक्षित बर्गको कार्यक्रम सम्पन्न भएको छ । वडा कार्यालयको आयोजनामा ४ वटा लक्षित बर्गको कार्यक्रम लुच्चाममा समापन गरिएको हो । वडाको आर्थिक बर्ष २०८१/८२ को जेष्ठ नागरिकसँग भलाकुसारी कार्यक्रम, दलित लक्षित कार्यक्रम, बालबालिका लक्षित कार्यक्रम, अपाङ्गता लक्षित कार्यक्रम गाउँपालिका अध्यक्ष सुर्य बहादुर कुलुङको प्रमुख आत्थितामा दिप प्रज्वलन तथा ब्यानर पढेर औपचारिक रुपमा उदघाटन गरिएको थियो ।

पालिका अध्यक्ष कुलुङले कार्यक्रमलाई सम्बोधन गर्दै विद्याथीको बौद्धिक क्षमता उत्कृष्ट रहेको र सोच संरक्षण र प्रबद्र्वनका लागि महाकुलुङ गाउँपालिकाको तर्फबाट आवश्यक बजेट नीति कार्यक्रम कार्यान्वयन गर्ने प्रतिबद्धता व्यक्त गर्नुभएको छ । जेष्ठ नागरिक, एकल महिला र फरक क्षमता भएका ब्यक्तिहरुलाई १ लाख ५० हजार बजेटमा १७० जनालाई थर्मस वितरण, दलित लक्षित कार्यक्रम अन्तर्गत २५ हजार २३ जना बालबालिका दलितलाई झोला वितरण गरिएको सहकर्मी झलक राईले जानकारी दिनुभयो ।

उहाँका अनुसार बालबालिका लक्षित कार्यक्रम अन्तर्गत १–५ का सामुहिक नृत्य प्रतियोगिता आयोजना गरिएको थियो । उक्त प्रतियोगिताका प्रथम, द्धितिय र तृतिय हुने प्रतियोगिहरुलाई ५ हजार, ४ हजार र ३ हजार रुपौयाँको साथमा प्रमाण पत्र प्रदान गरिएको छ, भने बालबालिका लक्षित कार्यक्रम कक्षा ६ देखि ८ बिद्यार्थीहरुलाई “बाल अधिकार संरक्षणमा स्थानीय तहको भुमिका” वक्तृत्वकला कार्यक्रम कार्यक्रम सञ्चालन गरिएको छ ।

जस्मा प्रथमलाई १६०० सय द्वितियलाई १३०० सय तृतीयलाई ११०० सय र सान्वनालाई ९०० सय रुपौयाँको साथमा प्रमाणपत्र, कक्षा ९ देखि १२ बिद्यार्थीहरुलाई “मोबाइल बदान कि अभिशाप” शिर्षकमा वादविवाद प्रतियोगिता तर्फ प्रथमलाई १६०० सय द्वितिय १३०० तृतिय ११०० र सान्त्वनालाई ९०० गरि कुल २ लाखको बजेट लक्षित बर्गको कार्यक्रम सञ्चालन गरिएको वडा सचिब भक्ती बिलासले जानकारी दिनुभयो । उक्त कार्यक्रममा प्रसाशकिय अधिकृत, शिक्षा शाखा, वडा जनप्रतिनिधि अन्य सरोकारवाला र स्थानीयहरुको उपस्थिति रहेको थियो ।