माघ २२, सोलखुुम्बु । जन जागृति माध्यमिक विद्यालय सोलुखुम्बुले अन्तर्राष्ट्रिय विकेएसपी कप एथलेटिक्स च्याम्पियनसिपमा कास्य पदक बिजेता पुकारजंग बस्नेतलाई सम्मान गरेको छ । बंगलादेशको ढाकामा सम्पन्न छैटौं अन्तर्राष्ट्रिय विकेएसपी कप एथलेटिक्स च्याम्पियनसिपमा कास्य पदक बिजेता तथा जन जागृति माविका विद्यार्थी बस्नेतलाई विद्यालयले सम्मान गरेको हो ।
माघ १५ र १६ गते सम्पन्न प्रतियोगितामा कास्य पदक प्राप्त गर्न सफल बस्नेतलाई बधाई तथा सफलताको शुभकामना सहित खादामालाले सम्मान गरिएको प्रधानध्यापक जनक थापाले जानकारी दिनुभयो । सो प्रतियोगितामा नेपाली खेलाडीहरुले १ स्वर्ण,२ रजत र ३ कांस्य पदक प्राप्त गरेका थिए । पुरुषतर्फ बस्नेतसहित शैलेश श्रेष्ठ, सन्तबहादुर दराईं तथा महिलामा निशा घर्ती र अस्मिता भुजेलले प्रतिस्पर्धामा पदक प्राप्त गरेका थिए ।
Discussion about this post