गोराखानीका कृषकलाई “ स्याउ बगैँचा सुढृदिकरण तथा व्यवस्थापन” तालिम

माघ २९, सोलुखुम्बु । सोलुखुम्बुको सोलुदुधकुण्ड नगरपालिका वडा नम्बर ९ गोराखानीका कृषकहरुलाई “स्याउ बगैँचा सुढृदिकरण तथा व्यवस्थापन” तालिम प्रदान गरिएको छ ।

्प्ररधानमन्त्री कृषि आधुनिकीकरण परियोजना परियोजना कार्यान्वयन ओखलढुङ्गा अन्तर्गतको प्राविधिक इकाई सल्लेरीको आयोजनामा मंगलबार कृषकहरूलाई १ दिने अभिमुखीकरण तालिम दिइएको हो ।

स्याउ लगाइएकै ठाउँमा लगेर गोराखानीका २९ जना कृषकलाई स्थलगत तालिम दिइएकाे प्रधानमन्त्री कृषि आधुनिकीकरण परियोजना प्राविधिक इकाई सल्लेरीका प्राविधिक सञ्जय बस्नेतले जानकारी दिनुभयो ।

तालिममा कृषकहरूलाई स्याउ बगैँचा मै काँट छाट, बोडोपेष्ट लगाउन, सिँचाइ सम्बन्धी तथा गोडमेल लगायतका सीपहरू प्रदान गरिएको प्राविधिक इकाई सल्लेरीले जनाएको छ ।

जिल्लामा सञ्चालनमा रहेका बगैँचा सुदृढीकरण कार्यक्रमलाई प्रभावकारी रुपमा कार्यान्वयन गराउनका लागी तालिमको आयोजना गरिएको तालिम संयोजक कविता मगरले बताउनुभयो । प्रशिक्षार्थीहरूलाई कार्यालय प्रमुख तथा वरिष्ठ कृषि अधिकृत हेम बहादुर आले मगर र प्राविधिक इकाई सल्लेरीका प्राविधिक सञ्जय बस्नेतले सहजीकरण गर्नुभएको थियो ।