कोशी प्रदेश खेलकुद महोत्सवको तयारी पुरा, सोलुबाट ८ विद्यामा खेलाडी सहभागी हुदैँ

फागुन १३, सोलुखुम्बु । प्रथम कोशी प्रदेश खेलकुद महोत्सव–२०८१ को मा सोलुखुम्बुबाट ८ विद्यामा खेलाडीहरुलाई सहभागी हुने भएका छन् । कोशी प्रदेशको आयोजनामा फागुन १३ देखि १८ गते सम्म संचालन हुन लागेको प्रतियोगितामा जिल्लाका खेलाडीहरुले ८ वटा विद्यामा खेल खेल्ने भएका हुन् ।

जिल्लाबाट महिला फुुटबल, महिला पूरुष दौड, पूरुष कबड्डी, डोरीतान पूरुष, टेबलटेनिस महिला तथा पूरुष, बाघचाल प्रतियोगिता पूरुष, कराते महिला पुरुष र तेक्वान्दो विद्या महिला परुष गरि जम्मा ८ विद्यामा सहभागिता रहेका जिल्ला खेलकुद विकास समिति अध्यक्ष नरेन्द्र थापा मगरले जानकारी दिनुभयो ।

कोशी प्रदेश खेलकुद विकास बोर्डका सदस्य सचिव कृष्ण बस्नेत (पर्शुराम) ले बोर्डको २६औँ बैठकको निर्णय अनुसार बोर्डको वार्षिक कार्यक्रममा विभिन्न खेल सम्मिलित खेलकुद महोत्सवको सम्पूर्ण तयारी सम्पन्न भएको बताउनुभएको छ । बस्नेतले महोत्सवमा कोशी प्रदेशका १४ वटै जिल्लाका खेलाडीको सहभागिता हुने बताउँदै महोत्सव आयोजना गर्न झण्डै १ करोड ७८ लाख रुपियाँ खर्च हुने जानकारी दिनुभयो ।

उहाँले नियमित खेलकुद प्रतियोगिताले खेलाडीको प्रतिभामा निखार ल्याउने बताउँदै ‘खेल गतिनै खेलाडीको प्रगति’ हो भन्ने मान्यता स्थापित गर्न प्रतियोगिता आयोजना गर्न लागिएको बताउनुभयो । महोत्सवमा प्रदेशस्तरीय महिला फुटबल, महिला तथा पुरुष दौड, महिला तथा पुरुष कबड्डी, भेट्रान बाघचाल, महिला तथा पुरुष टेबलटेनिस, महिला तथा पुरुष बुद्धिचाल, महिला तथा पुरुष कराँते, महिला तथा पुरुष तेक्वान्दो र पुरुष सफ्टटेनिस र डोरीतानलगायत खेलकुद प्रतियोगिता समावेश छन् ।