सोताङमा निःशुल्क आयुर्वेद तथा वैैकल्पिक चिकित्सा स्वास्थ्य शिविर हुने

फागुन २१, सोलुखुम्बु । सोलुखुम्बुको सोताङ गाउँपालिकामा नि : शुल्क आयुर्वेद तथा वैकल्पिक चिकित्सा स्वास्थ्य शिविर हुने भएको छ । जिल्ला आयुर्वेद स्वास्थ्य केन्द्र सोलुखुम्बुको आयोजनामा यहीँ फागुन २५ गते सोताङ अस्पतालमा १ दिने शिविर हुने भएको हो ।

शिविरमा अनुभवि तथा दक्ष आयुर्वेद चिकित्सकबाट बिरामी जाँच गरि विभिन्न रोगहरु जस्तै अम्लपित्त, दम तथा खोकी, पेट सम्बन्धी समस्या, स्त्री रोग, मधुमेह तथा पिसाब सम्बन्धी नि :शुल्क गुणस्तरीय औषधी वितरण गरिएको जिल्ला आयुर्वेद स्वास्थ्य केन्द्र सोलुखुम्बुको सूचना अधिकारी केशब ढुंगनाले जानकारी दिनुभयो ।

यस्तै जेष्ठ नागरिकहरुको स्वास्थ्य संरक्षण प्रवर्धनका लागि रसायन औषधी वितरण, स्तनपायी आमाका लागि दुग्धबर्धक आयुर्वेद औषधी वितरण, जडिबुटि उपयोग सम्बन्धी जानकारीका साथै अन्य रोग सम्बन्धी परामर्श तथा सल्लाह सुझाव प्रदान गरिने भएको छ ।