उदयपुरमा अटोसँग ठोक्किँदा मोटरसाइकल चालकको मृत्यु

फागुन २४, सोलुखुम्बु । उदयपुरमा अटोसँग ठोक्किँदा मोटरसाइकल चालकको मृत्यु भएको छ । त्रियुगा नगरपालिका–९ स्थित मदन भण्डारी राजमार्गको राजावास खण्डमा शुक्रबार साँझ अटोसँग ठोक्किएर मोटरसाइकल चालक मोरङको लेटाङ नगरपालिका–७ बस्ने २६ वर्षीय अजय लिम्बूको मृत्यु भएको हो।

प्रदेश १–०५–०० ह ०३१० नम्बरको अटो रोकेर यात्रु उतारेपछि घुमाउने क्रममा तीव्र गतिमा आउँदै गरेको प्रदेश १–०२–०४ प ५७४३ नम्बरको मोटरसाइकल ठोक्किएको जिल्ला प्रहरी कार्यालयका प्रहरी नायब उपरीक्षक केदारमान दोङले जानकारी दिनुभयो ।

ठक्करबाट गम्भीर घाइते भएका मोटरसाइकल चालक लिम्बूलाई तत्काल उपचारका लागि जिल्ला अस्पताल पु¥याइए पनि चिकित्सकले मृत घोषणा गरेका थिए । प्रहरीले अटो चालक त्रियुगा नगरपालिका–७ चुहाडे बस्ने ३८ वर्षीय भुसीलाल दनुवारलाई नियन्त्रणमा लिएको छ।