चैत्र १५, सोलुखुम्बु । सोलुखुम्बुको सोलुदुधकुण्ड नगरपालिकाले जथाभावी रुपमा फोहोर फाल्ने व्यक्तिलाई कारबाही गर्ने भएको छ । नगरपालिकाले बिहिबार एक सूचना जारी गर्दै कारबाही गर्ने निर्णय गरेको हो ।
नगरपालिकाको आधारभुत सरसफाई तथा फोहरमैला व्यवस्थापन ऐन, २०७५ को दफा ५ को उपदफा १ वमोजिम नगरपालिका क्षेत्रभित्र निजी घर बाहिर वा वरिपरि, सडक, नाला, सार्वजनिक स्थल वा कुनै पनि खुल्ला स्थानमा कुहिने वा नकुहिने जुनसुकै प्रकारका फोहर जथाभावी फाल्न नपाउने कानूनी व्यवस्था भएको सूचनामा उल्लेख गरिएको छ ।
Discussion about this post