नेचासल्यानमा आगलागी हुँदा एक घर जलेर खरानी

चैत्र २०, सोलुखुम्बु । सोलुखुम्बुको नेचासल्यान गाउँपालिका वडा नम्बर ५ खालिङ गाउँमा आगलागी हुँदा एक घर जलेर नष्ट भएको छ । मंगलबार राति ९ : २५ बजेको समयमा खालिङ गाउँका सर्वधन राईको घर जलेर नष्ट भएको हो । राईको ढुगांमाटोले बनेको खरको छानो भएको १ तले घर जलेर नष्ट भएको जिल्ला प्रहरी कार्यालय सोलुखुम्बुका प्रहरी नायव उपरीक्षक द्धारिका प्रसाद घिमिरेले जानकारी दिनुभयो ।

आगलागिबाट घर भित्र रहेको चाँदी २ तोला, कुखरा १ वटा, भाडावर्तन, लत्ताकपडा, अन्नपात पूर्ण रुपमा जलि नष्ट भएको उहाँको भनाई छ । राति ९ : ३० बजेको समयमा इलाका प्रहरी कार्यालय नेचामा आगो लागेको जानकारी पाउना साथ प्रहरीको टोली खटिगई राति १० बजेको समयमा आगो नियन्त्रणमा ल्याइएको थियो । आगो के कारणले लाग्यो खुल्न सकेको छैन् ।