तीनकुने घटनाका दोषीलाई कानूनी कठघरामा उभ्याउने रक्षामन्त्री राईको प्रतिवद्धता

चैत्र २२, सोलुखुम्बु । रक्षामन्त्री मानवीर राईले तीनकुने घटनाका दोषीहरुलाई कानूनी कठघरामा उभ्याउने प्रतिवद्धता व्यक्त गर्नुभएको छ । बिहीबार काठमाडौंमा आयोजित एक कार्यक्रममा रक्षामन्त्री राईले तीनकुने घटनामा देशकै बेइज्जत हुनेगरी सुपरमार्केट, मिडिया तथा व्यवसायमाथि आक्रमण भएकोप्रति दुःख प्रकट गर्नुभयो।

उद्योग व्यवसायीहरुको सुरक्षाका लागि सरकार लागि पर्ने उहाँको भनाइ छ । मन्त्री राईले उद्योग व्यवसायीले विगतमा भएका कठिन र जटिल समयमा दुःख कष्ट झेलेर नेपालको आर्थिक क्षेत्रमा ठूलो योगदान गरेको बताउनुभयो । उद्योग व्यवसायीको सहजताका लागि कानुनी जटिलता फुकाउने प्रयास भइरहेको उहाँको भनाइ छ ।