ओखलढुङगाको तलुवामा सकियो वित्तिय साक्षरता सम्बन्धि तालिम

चैत्र २४, सोलुखुम्बु । ओखलढुङगाको सिद्धिचरण नगरपालिका १ तलुवामा वित्तिय साक्षरता सम्बन्धि एक दिने तालिम सम्पन्न भएको छ । तलुवा महिला बहुउद्देश्यीय सहकारी संस्थाका अध्यक्ष गंगा कुमारी निरौलाको अध्यक्षता तथा सिद्धिचरण नगरपालिका १ तलुवाका वडा अध्यक्ष तिर्थ बहादुर घिमिरेको प्रमूख आतिथ्यतामा तालिम समपन्न भएको हो ।

साना किसान विकास लघुवित्त वित्तिय संस्था लि. शाखा कार्यालय लहान सिराहको सहयोग र तलुवा महिला वहुउद्देश्यीय सहकारी संस्था लि. को आयोजनामा नरटीका सामुदायीक सिकाइ केन्द्र भिनको सभाहलमा तलुवा महिला वहुउद्देश्यीय सहकारी संस्थाका सञ्चालक समिति ‍र शेयर सदस्य गरी जम्मा ४० जनालाई तालिम दिएको स्थानीय सुनिता घिमिरेले जानकारी दिनुभो ।

उक्त तालिम महिला तथा बालबालिका शाखा कार्यालय ओखलढुङगाका अधिकृत प्रशिक्षक सरिता तामाङ द्वारा बचतको महत्व, आर्थिक कारोवार, वित्तिय साक्षरताको परिचय, आवश्यकता, उपयोग, आम्दानी, बजेटीङ र उद्देश्य बारे सिकाउनु भएको तलुवा महिला बहुउद्देश्यीय सहकारी संस्थाका कोषाध्यक्ष विपना थापा मगरले बताउनु भयो ।

वित्तिय साक्षरता सम्बन्धि भविष्यमा आउन सक्ने जोखिमहरुका लागि योजना बारे तयारी गर्न सक्ने भएकाले तालिम दिएको तलुवा महिला बहुउद्देश्यीय सहकारी संस्थाका व्यवस्थापक सिर्जना थापा मगरले जानकारी दिनुभयो ।