लिम्चुङबुङको जाँतेमा साबिक वडा स्तरिय महिला तथा पुरुष भलिबल प्रतियोगिता सुरु

चैत्र ३०, सोलुखुम्बु । उदयपुरको लिम्चुङबुङ गाउँपालिका वडा नम्बर ५ जाँतेमा भलिबल प्रतियोगिता सुरु भएको छ । खेलकुद विकास समितिको आयोजना तथा ५ नम्बर वडा कार्यालयको प्रायोजनमा साबिक वडा स्तरिय महिला तथा पुरुष भलिबल प्रतियोगिता सुरु भएको हो । प्रतियोगिताको वडा नम्बर ५ का वडा अध्यक्ष कबिचन्द्र राईले ब्यानर पढेर उदघाटन गर्नु भएको छ ।

भलिबल प्रतियोगितामा पुरुष १० टिम र महिला तर्फ ५ गरि जम्मा १५ टिमको सहभागीता रहेको आयोजकले जनाएको छ । उक्त प्रतियोगितामा महिला, पुरुष दुर्व तर्फ प्रथम, द्धितिय र तृतिय हुने प्रतियोगीहरुलाई क्रमश : १३ हजार, १० हजार र ७ हजारको साथमा शिल्ड, मेडल र प्रमाणपत्र प्रदान गरिने खेलकुद बिकास समिति जाँतेका अध्यक्ष रमणशेर राईले बताउनुभयो ।

उदघाटन कार्यक्रमको अवसरमा वडा अध्यक्ष राईले प्रतियोगितामा सहभागिहलाई शुभकामना गर्दै खेलाडी भनेको राष्ट्रका गहना भएकाले खेलाडीहरु अनुशासित लगनशिल हुदै खेललाई निररता दिनुपर्ने बताउनुभएको छ । खेल जाँतेको खेल मैदान भइरहेको छ ।