अशान्त बन्यो शिक्षक आन्दोलन, आधा दर्जनभन्दा बढी शिक्षक घाइते

बैशाख १४, सोलुखुम्बु । नयाँ बानेश्वरमा प्रहरीसँग झडपपछि एक दर्जनभन्दा बढी शिक्षकहरू घाइते भएका छन् । नयाँ बानेश्वरमा निषेधित क्षेत्र तोड्न खोजेपछि प्रहरीले आन्दोलनरत शिक्षक तथा विद्यालय कर्मचारीहरूमाथि लाठी प्रहार गर्नुका साथै पानीको फोहोर हान्दा एक दर्जन बढी शिक्षकहरु घाईते भएका हुन् । झडपमा खोटाङका शिक्षक धर्मसिंह सार्की र लिला भक्त बस्नेत, सिन्धुलीका कमल बहादुर खत्री, सिन्धुपाल्चोकका सुवास गिरी, गोर्खाका भगवान शाक्य, बर्दियाका पुण्य शर्मा, महोत्तरीका विकास राज झा, बझाङका हरि प्रसाद जोशी, सल्यानका शेभाजगं जोशी घाईते भएका छन् ।

यस्तै बझाङका ममता कुमारी शाह, कंचनपुरका पुण्यमणि जोशी, काभ्रेका भानुभक्त मैनाली, नुवाकोटका विष्णु कुमारी सुेवदी, कैलालीका खड्का मनी, सिराहाका देव कुमारी यादव, धुनुषाका महेन्द्र शाह, जाजरकोटका तेज बहादुर शत्री, रौतहटका विरेन्द्र पण्डित, धनुसाका बेचैन यादव, जुम्लाका देवि शर्मा धिताल र राम बहादुर शाही, झापाका प्रविण दियाली, कृष्णमाया रिजाल र शान्ता निरौला, अर्घाखाचीका यज्ञ गौतम र रौतहटका कुसन कुमारी शाह रहेका छन् ।

नयाँ बानेश्वरमा निषेधित क्षेत्र तोड्न खोजेपछि प्रहरीले आन्दोलनरत शिक्षक तथा विद्यालय कर्मचारीहरूमाथि लाठी प्रहार गर्नुका साथै पानीको फोहोर हानेको थियो । प्रहरीको तर्फबाट बल प्रयोग भएपछि शिक्षकहरू प्रतिकारमा उत्रिएका हुन् । उनीहरूले सडक छेउछाउ भएका ढुंगा प्रहरीमाथि प्रहार गरेका थिए ।