बैशाख २१, सोलुखुम्बु । बैशाख २१ गतेदेखि देशभर सुरु भएको कक्षा १२ को परीक्षालाई लक्षित गरी अनेरास्ववियु जिल्ला कमिटी सोलुखुम्बुको समन्वयमा प्रेरणादायी कार्यक्रम सम्पन्न भएको छ । विद्यार्थीहरूलाई जोस, जागर, हौसला र सकारात्मक ऊर्जा प्रदान गर्ने उद्देश्यले अनेरास्ववियु सोताङ गाउँपालिका कमिटीले सोताङ पब्लिक क्याम्पस परीक्षा केन्द्रमा सहभागी भएका २५० भन्दा बढी परीक्षार्थीहरूलाई नि ः शुल्क कलम वितरण गरेको छ ।
उक्त कार्यक्रममा स्थानीय नेता तथा बुद्धिजीवीहरूको पनि उल्लेखनीय उपस्थिति रहेको थियो । यसैगरी, अनेरास्ववियु लिखुपिके गाउँपालिकाले पनि सोही उद्देश्यले कक्षा १२ को परीक्षामा सहभागी भएका ३० जना भन्दा बढी परीक्षार्थीहरूलाई एउटा–एउटा कलम वितरण गर्नुका साथै अबिर लगाई आत्मिक रूपमा शुभकामना प्रदान गरेको छ ।
कार्यक्रमबारे जानकारी दिँदै अनेरास्ववियु जिल्ला कमिटी सोलुखुम्बुका अध्यक्ष नरेन्द्र कलुङले परीक्षार्थीहरूलाई मनोबल उच्च बनाउने यस्ता साना तर महत्वपूर्ण कार्यक्रमहरूले विद्यार्थीहरूलाई अझ राम्रो गर्न उत्प्रेरित गर्ने विश्वास व्यक्त गर्नुभयो ।
Discussion about this post