महाकुलुङ गाउँपालिकामा पर्यटन विकास गुरुयोजनाको मस्यौदा सार्वजनिक हुने

बैशाख २१, सोलुुखुम्बु । सोलुखुम्बुको महाकुलुङ गाउँपालिकाले पर्यटन क्षेत्रको समग्र विकासलाई लक्ष्य राख्दै “पर्यटन विकास गुरुयोजना” को मस्यौदा सार्वजनिक तथा छलफल कार्यक्रम गर्ने भएको छ । गाउँपालिकाले यहि वैशाख २३ गते विशेष कार्यक्रम आयोजना गरी गुरुयोजनाको प्रारम्भिक मस्यौदा प्रस्तुत गर्ने तयारी गरेको हो ।

गाउँपालिकाको आयोजनामा तथा एडमायर मल्टीसर्भिस कम्पनीको प्राविधिक सहयोगमा हुने उक्त कार्यक्रममा पर्यटन विकाससँग प्रत्यक्ष वा परोक्ष रूपमा सरोकार राख्ने सम्बन्धित निकाय, विज्ञ, स्थानीय अगुवा, व्यवसायी तथा संघसंस्थाहरूलाई सहभागी हुन अनुरोध गरिएको छ । गाउँपालिकाका अनुसार, सो कार्यक्रमको मुख्य उद्देश्य महाकुलुङ क्षेत्रको पर्यटन सम्भावनाको पहिचान, पूर्वाधार विकास, स्थानीय स्तरमा रोजगारी सिर्जना, तथा दिगो पर्यटन प्रवद्र्धनमा सहयोग पु¥याउनु हो ।

गुरुयोजना निर्माणपछि त्यसलाई चरणबद्ध रूपमा कार्यान्वयनमा ल्याउने र दीर्घकालीन पर्यटन नीति तयार पार्ने योजना रहेको पालिकाले जनाएको छ । गुरुयोजना मस्यौदा छलफल कार्यक्रममा सहभागी सबैको सुझाव तथा धारणा संकलन गरी अन्तिम प्रतिवेदन तयार पारिने बताइएको छ ।