केपिलासगढी गाउँपालिकाका ७ वटै वडा पूर्ण खोप सुनिश्चितता वडा घोषणा

बैशाख २२, सोलुखुम्बु । खोटाङको केपिलासगढी गाउँपालिकाका सम्पूर्ण ७ वटै वडाहरूलाई पूर्ण खोप सुनिश्चितता वडा घोषणा गरिएको छ । सोमबार वडा नम्बर ३, वास्पानिलाई पूर्ण खोप सुनिश्चितता वडा घोषणा गरिएसँगै सम्पूर्ण वडाहरूले यो उपलब्धि हासिल गरेका हुन् । स्वास्थ्य सेवाको पहुँचलाई जनस्तरसम्म पु¥याउने लक्ष्यका साथ सञ्चालन गरिएको खोप अभियानले सफलता पाएको गाउँपालिका अध्यक्ष समिर राईले जानकारी दिनुभयो ।

अध्यक्ष राईले स्वास्थ्यजस्तो संवेदनशील विषयमा सबै नागरिकको चासो र सहभागिताले नै यो सफलता सम्भव भएको बताउँदै सबैलाई धन्यवाद दिनुभयो । अब पालिकाका सम्पूर्ण वडाहरू पूर्ण खोप सुनिश्चित भएपछि चाँडै गाउँपालिकालाई नै पूर्ण खोप सुनिश्चितता पालिका घोषणा गर्ने तयारी भइरहेको समेत अध्यक्ष राईले जानकारी गराउनुभयो । स्थानीय स्तरमा स्वास्थ्य सुरक्षाको सुनिश्चिततासँगै खोप अभियानले सामुदायिक स्वास्थ्यमा सकारात्मक प्रभाव पार्ने विश्वास लिइएको छ ।