शहीद कुसुम प्रतिष्ठानको नयाँ वर्ष शुभकामना र पात्रो विमोचन सम्पन्न

बैशाख २३, सोलुखुम्बु । नयाँ वर्ष २०८२ को अवसरमा शहीद कुसुम स्मृति प्रतिष्ठानले एक विशेष कार्यक्रमको आयोजना गरी शुभकामना आदानप्रदान तथा भित्तेपात्रो सार्वजनिक गरेको छ । सोमबार सम्पन्न उक्त कार्यक्रममा विभिन्न क्षेत्रका विशिष्ट व्यक्तिहरुको उपस्थिति रहेको थियो । कार्यक्रमका वक्ताहरुले शहीद कुसुमको योगदान र प्रतिष्ठानले समाजमा खेलेको सकारात्मक भूमिकाको चर्चा गर्दै संस्थाले आगामी दिनहरूमा पनि सामाजिक नेतृत्वलाई निरन्तरता दिने विश्वास व्यक्त गर्नुभएको छ ।

प्रतिष्ठानका अध्यक्ष लोकेन्द्र आर.सी.ले संस्थाले सामाजिक क्षेत्रमा अझ प्रभावकारी भूमिका खेल्ने प्रतिबद्धता व्यक्त गर्नुभयो । कार्यक्रममा नेचासल्यान गाउँपालिका उपाध्यक्ष बिना राई, प्रशासकीय अधिकृत टंकनाथ घिमिरे, वडा नं ३ का अध्यक्ष सिताराम भट्टराई, माओवादी केन्द्रका नेता केशर राई, जनरिखि राई, वियस राई, सामाजिक अभियन्ता बालकुमार भट्टराई, चेतना विस्तार यूवा परिवारका अध्यक्ष जगनाथ बाँस्तोला लगायतको उपस्थिति रहेको थियो ।

शहीद कुसुम स्मृति प्रतिष्ठान सोलुखुम्बु जिल्लाको एक अग्रणी सामाजिक संस्था हो, जसले नाफारहित रुपमा सामाजिक कार्य गर्दै आएको छ । प्रतिष्ठानसँग दुईवटा सुविधा सम्पन्न सभाहल रहेका छन्, जसले यस संस्थालाई थप प्रभावकारी कार्यक्रम सञ्चालनमा सहज बनाएको छ ।