दिक्तेलमा ग्यारेजबाट निकाल्दै गरेको बस पल्टियो

बैशाख २४, सोलुखुम्बु ।  खोटाङमा ग्यारेजमा बनाएर निकाल्दै गरेको खाल बस दुर्घटना भएको छ ।  जिल्लाको दिक्तेल रूपाकोट मझुवागढी नगरपालिका वडा नम्बर ४ बाम्राङ स्थित एक ग्यारेजमा मर्मतका लागी राखिएको बस निकाल्ने क्रममा दुर्घटना भएको हो ।  बा ५ ख ८६७० नम्बरको बस ग्यारेजबाट करिव १५ फिट तल पल्टिएको थियो ।  उक्त बसका चालकले मदिरा सेवन गरि बस निकाल्न खोज्दा दुर्घटना भएको प्रहरीको निष्कर्ष छ ।  जिल्ला प्रहरी कार्यालय खोटाङका इन्स्पेक्टर सुशान्त मिश्रका अनुसार दुर्घटनाबाट बसमा क्षति भएको छ भने अन्य मानवीय क्षति वा सडक अवरुद्ध लगायत समस्या भने ननिम्तीएको उहाँको भनाई छ ।