साेलुदुधकुण्ड नगरपालिका : कम बेरुजु हुनेमा नेपालकै दाेश्राे, काेशी प्रदेशकाे पहिलाे

जेठ १, सोलुखुम्बु ।  सोलुखुम्बुको सोलुदुधकुण्ड नगरपालिका कोशी प्रदेशमै पहिलो कम बेरुजु आउने पालिका बनेको छ ।  महालेखा परीक्षकको कार्यालयको ६२ औँ वार्षिक प्रतिवेदन अनुसार सोलुखुम्बुको एक मात्र नगरपालिका सोलुदुधकुण्ड नगरपालिका कोशी प्रदेशमै पहिलो पालिका बनेको हो । नगरपालिकाले आर्थिक वर्ष २०८०÷८१ मा १ अर्व ५८ करोड २२ लाख ४५ हजार रुपैयाँ बराबरको बजेटको लेखा परिक्षण गराएकोमा जम्मा १ लाख २१ हजार ८ सय रुपैयाँ बेरुजु आएको हो जुन कुल बजेटको ० दशमलव ०१ हुन आउँछ ।  यस्तै देशैभरको ७ सय ५३ स्थानीय तह मध्ये सोलुदुधकुण्ड नगरपालिका दोश्रो भएको छ ।  सबैभन्दा कम बेरुजु पु¥याएर नगरपालिका देशभरमै दोश्रो बनेको हो ।  कम बेरुजु पु¥याउने पालिकामा नगरपालिका परेपछि प्रतिकृया दिँदै नगरप्रमुख नाम्गेल जाङबु शेर्पाले नगरपालिका निरन्तर जनमुखी, उत्तरदायी र पारदर्शिताको अभ्यास गर्दै आइरहेको बताउनुभयो । उहाँले एक विज्ञप्ति मार्फत यो उपलब्धि संयोग नभएर सक्षम जिम्वेवार र जन प्रतिबद्ध जनप्रतिनिधि भएको उपजको रुपमा व्याख्या गर्नुभएको छ ।