पहिरे खोलामा बन्ने भयो मोटर पुल,सांसद प्रदिप कुमार सुनुवारकाे पहल

साउन ०९, साेलुखुम्बु ।   ओखलढुङ्गाको मोलुङ गाउँपालिकामा पर्ने पहिरे खोलामा पक्की मोटर पुल निर्माण हुने भएको छ । कोशी प्रदेश सरकारको आर्थिक सहयोगमा पक्की पुल निर्माण हुन लागेको हो । पुल निर्माणका लागी पूर्वाधार विकास कार्यालय ओखलढुङ्गा र यति निर्माण सेवा सोलुखुम्बुबिच सम्झौता भएको छ ।

 कुल ३ करोड ७२ लाख ६६ हजार ७३८ रुपैयाँमा २ वर्षको समय अवधि भित्र निर्माण सम्पन्न गर्ने गरि पूर्वाधार विकास कार्यालय ओखलढुङ्गा र निर्माण कम्पनी बिच सम्झौता भएको हाे। पुल निर्माणको लागी बजेट विनियोजन गर्न कोशी प्रदेश सभाका लागी ओखलढुङ्गा प्रदेश क्षेत्र  (क) का सांसद प्रदिप कुमार सुनुवारले पहल गर्नु भएकाे  थियाे ।

ओखलढुङ्गाको पश्चिम भेग मोलुङ गाउँपालिका, खिजिदेम्बा गाउँपालिका, चम्पादेवी गाउँपालिका, सुनकोशी गाउँपालिका लगायतका पालिकाहरूका नागरिकहरूलाई वर्षा याममा आवत- जावत गर्न वर्षाको समयमा निक्कै कठिनाइ हुने गरेकाले पहिरे खोलामा मोटर पुल निर्माणका लागी आफूले पहल गरेको कोशी प्रदेश सभा सदस्य प्रदिप कुमार सुनुवारले बताउनु भयो ।